Александр ЖИРКОВ мандата салгыҥҥа ыйанна?

Эсердэр аны күн бэҕэһээ Бороҕоннооҕу биир мандаттаах быыбардыыр уокурукка Александр ЖИРКОВ саппаас хандьытаатын — Андрей ПУХОВЫ суутунан уһултаран кэбиспиттэр. ПУХОВ партията суох бэйэтэ быыбарга киирсэр хандьытаат этэ. Киһи барыта билэринэн, кинини ЖАН саппаас оҥостон быыбарга туруобута. Билигин инньэ гынан, ЖИРКОВ аллар өстөөҕүн кытары Аркадий Алексеевтыын (СР) иккиэйэҕин чолойон хаалан хаалбыттар. АЛЕКСЕЕВ чорбоҥолоон собус-соруйан быыбарга кыттартан аккаастаннаҕына, ЖИРКОВ мандатыттан көрөн туран матыан сөп. Альтернативата суох — быыбар дьиҥэ суоҕунан ааҕыллар. Аны атын киһини туруоруон — поезд бара турбут, Бэстээххэ тиийбит, регистрация бүппүтэ быданнаата. Билигин Жирков спикер эрэ тайма, депутат да буолуо суоҕун сөп курдук балаһыанньата үөскээбит. Сорохтор ЖИРКОВЫ «Тумууһап атаҕар умса түс» диэн сүбэлээн эрэллэр. ХадаарЛөгөй оннук гынара саарбах. Аны үҥпэтэҕинэ — кэнэҕэс дьылҕата эмиэ кэниэһэ буолар. «Альтернатива суох» диэн итини этэн эрдэхтэрэ. *** Aartyk.Ru