Халлаан сылыйан, Саха сирин соҕуруулуу-арҕааҥҥы өттүгэр кыра өрүстэр тааҥнаатылар

Ленскэй уонна Өлүөхүмэ оройуоннарыгар халлаан эмискэ сылыйан, Саха сирин 30-ча кыра өрүстэрэ таҥнаатылар. Бу туһунан “Автоснабстрой” ХЭУо генеральнай дириэктэрэ Леонид Корнилов иһитиннэрдэ. “Халлаан эмискэ сылыйан, өрүстэр угуттаан, тумнар суоллары оҥоробут. Билигин кыһыҥҥы суолларынан сырыы тохтообот, тоҕо диэтэххэ, онно айанныырга куттала суох”, – диэтэ генеральнай дириэктэр. Корнилов иһитиннэрбитинэн, халлаан саамай тымныйбыта – 4 кыраадыска тиийэр. “Ол кэмҥэ уу тоҥмот, суолларбытынан уонна тумнан ааһар сирдэрбитинэн халыйар. Онон атын тумнан ааһар сирдэри оҥоробут, ол эрээри айаҥҥа куттал суох”, – диэтэ Корнилов. Эрдэ этиллибитин курдук, Бүүрүк өрүс тааҥнаан, Нүүйэ – Бүүрүк кыһыҥҥы суол “УМНАС” учаастагар тумнар суолу оҥоро сылдьаллар.