Орто Халыма куорат аэропордун көтөр-түһэр балаһата ууга барда

Орто Халыма улууһун Орто Халыма куорат аэропордун көтөр-түһэр балаһата ууга барда диэн аэропорка иһитиннэрдилэр. “Балаһаны уу ылла, уу кыралаан түспүтэ да, билигин эмиэ эбиллэн эрэр. Тардыллыбыт рейс суох, тоҕо диэтэххэ, былаан быһыытынан көтүү суоҕа”, – диэтилэр. Санатар буоллахха, бүгүн 8.00 чаас туругунан, Халыма өрүс мууһа Орто Халыма улууһунан балысханнык устар. Муус алын кирбиитэ Орто Халыма куораттан 45 км үөһэ бэлиэтэнэр, муус хойуутук устар, уу таһыма 1177 см, кутталлаах кирбии 1200 см, пост аннынан муус харан турар. Үөһээ кирбиитэ – Орто Халыма куораттан 84 км үөһэ.