Айсен Николаев: ньиэп тохтубутугар буруйдаахтар буруйдаахтар накаастаныахтара

Дьокуускай өрүс пуордугар ньиэп бородууктата тохтубутугар буруйдаах дьон саамай кытаанах накаастабылы ылыахтара. Ньиэп бородууктата тохтубут эрбэммит суудуналар тобохторун бу күн бүтүөр диэри барытын таһарга “Дьокуускай” суудуна хампаанньатыгар соруйдулар. Бу туһунан ыам ыйын 19 күнүгэр ыытыллыбыт ыксаллаах быһыы-майгы хамыыһыйатын мунньаҕар Дьокуускай куорат баһылыга Айсен Николаев иһитиннэрдэ. “Буруйдаахтар саамай кытаанах накаастабылы ылыахтаахтар. Бу эрбэммит суудунаттан тохтубут буолуон сөп. Кыһалҕа эрдэ баара. Бу иннинэ “Дьокуускай” суудуна хампаанньатын салалтатын кытта суудуна тобохторун хомуйар туһунан кэпсэтэн турабыт. Буруйдаах мунньуллубут тимири күн бүтүөр диэри барытын таһаарыахтаах. Бу тимир тобохторо ньиэп тохторугар биричиинэ буолбут буолуохтарын сөп”, – диэн эттэ уонна суудуна хампаанньатыгар биэрэктэн туох баар тимири хомуйарга сорудахтаата. Ньиэп бородууктата ыам ыйын 13 күнүгэр тохтубут. Бу кэм устата биэрэк кумаҕа кырата 100 лиитэрэни, баҕар хас да тоннаны иҥэрбит буолуохтаах. Халаан уута кэлбитигэр ньиэп бородууктата ууга тохтубут. Төһө эттик өрүскэ түспүтэ биллибэт. Өрүскэ 300-500 квадрат иэннээх сиргэ уонна 90 квадрат иэннээх биэрэккэ тарҕаммыт. Ньиэп бородууктата тохтубутун туһунан иһитиннэрии Дьокуускай олохтооҕуттан киирбит. Дьокуускай куорат баһылыгын сорудаҕынан миэстэтигэр тиийэн хамыыһыйа үлэлээн, тохтубут чахчыны быһаарбыта. “Дьон бириэмэтигэр көрөннөр уонна айдаан тарданнар, хата дьолго экологическай катастрофа тахсыбата”, – диэн Айсен Николаев кэпсээтэ. 48 чаас иһигэр тохтубут ньиэп бородууктатын хомуйарга, суох оҥорорго диэн Дьокуускай куорат баһылыга Айсен Николаев сорудахтаата. Хас чаас ахсын Роспотребнадзор салалтата хонтуруоллуур уорганнары кытта куораттааҕы ууну хаайар сиргэ ууга ньиэп бородууктата төһө баарын бэрэбиэркэлиэхтэрэ. Маны таһынан ньиэп тохтубутун сирин икки өттүттэн хачайдыахтара. Түүн буом маҥнайгы эрээтин туруорбуттара. Билигин ньиэп бородууктата салгыы тэнийбэтин туһугар буом иккис эрээтин туруораллар. Ньиэп бородууктатын иҥэрбит кумаҕы, буору барытын кыһыйан ылан, ыраастата ыытыахтара. -яв//кс