Өлүөнэ өрүс

Бүгүн, ыам ыйын 27 күнүгэр Өлүөнэ өрүс мууһа Эдьигээн оройуонугар устар диэн ЫББМ министиэристибэтин пресс-сулууспата иһитиннэрэр. Муус алын кирбиитэ Эдьигээн бөһүөлэгиттэн 30 км аллараа бэлиэтэнэр. Муус хойуутук устар. Эдьигээҥҥэ уу таһыма 1369 см, уу кутталлаах таһыма 1430 см, муус турар. Халыма өрүс мууһа Орто Халыма оройуонугар устар. Муус алын кирбиитэ Орто Халыма куоратыттан 248 км аллараа бэлиэтэнэр. Муус хойуутук устар. Орто Халыма куоратыгар уу таһыма 978 см, кутталлаах таһым 1200 см. Муус үөһээ кирбиитэ Орто Халыма куоратыттан 978 см үрдүк сиргэ бэлиэтэнэр, кутталлаах кирбии 1200 см. Муус үөһээ кирбиитэ Орто Халыматтан 174 км аллараа сиргэ бэлиэтэнэр. Муус сэдэхтик устар. Муус 74 км сиринэн устар. Суукка иһигэр муус 110 км устар. Алазея өрүс мууһа саҥа алдьанан эрэр. Орто Халыма Сыбаатай нэһилиэгэр уу таһыма 491 см, кутталлаах кирбии 750 см. Муус турар. Арҕахтаах сэлиэнньэтигэр уу таһыма 494 см, кутталлаах кирбии 780 см, муус турар. Андрюшкино сэлиэнньэтигэр уу таһыма 596 см, кутталлаах таһым 1000 см. муус турар. Индигир өрүс мууһа Абый оройуонугар устар. Муус алын кирбиитэ Үрүҥ Хайа бөһүөлэгиттэн 20 км үөһээ сиргэ бэлиэтэнэр. Муус хойуутук устар. Үрүҥ Хайа бөһүөлэгэр уу таһыма 737 см, кутталлаах кирбии 1202 см, өрүс ырбыыламмыт. Муус үөһээ кирбиитэ Абый оройуонун киинигэр Үрүҥ Хайа бөһүөлэгэр 90 км сиргэ бэлиэтэнэр. Күнү-дьылы кэтээн көрөөччүлэр Индигир өрүс мууһа икки күнүнэн устуо диэн сабаҕалыыллар. Өрүс мууһа бэс ыйын маҥнайгы күннэригэр хамсыыра күүтүллэр. Дьааҥы өрүс мууһа Верхоянскай куорат анныгар бэлиэтэнэр. Уу таһыма 415 см, кутталлаах таһым 1020 см. Баатаҕай бөһүөлэгин аннынан ырбыыламмыт, уу таһыма 347 см, кутталлаах кирбии 970 см. Сайдыы бөһүөлэгин аннынан муус сэдэхтик устар. Уу таһыма 809 см, кутталлаах кирбии 1200 см. Кэбээйи, Нам, Муома, Томпо, Орто Халыма, Уус Майа оройуоннарыгар сааскы халаан уута кэлэр куттала баарынан «Суһал бэлэм» режимэ олохтонно. Халаан уута нэһилиэнньэлээх пууннарга этэҥҥэ ааһарын туһугар анал биэдэмистибэ хамыыһыйата күннэри түүннэри кэтиир.