Уус Алдан Чэриктэйигэр уу таһыма намтыыр

Уус Алдан Чэриктэйигэр уу таһыма түһэр. Бу туһунан “Чэриктэй нэһилиэгэ” МТ баһылыга иһитиннэрдэ. “Балаһыанньа оннугар түһэн эрэр, уу таһыма намтыыр. Халаан кэминэн баран иһэр. Билигин 30 дьиэ ууга турар, нэһилиэнньэни көһөрбүттэрэ. Эвакопуннар наадалаах малынан-салынан хааччыллан олороллор. Нэһилиэнньэҕэ халаан туһунан биллэрэ турабыт”, – диэн эттэ. Ыам ыйын 17 күнүгэр Уус Алдан Чэриктэйигэр уу муҥутуур таһымы (1660 см) куоһаран, 1777 см тиийэ тахсыбыта. Нэһилиэнньэлээх пууҥҥа ыксаллаах быһыы-майгы балаһыанньата биллэриллибитэ. Чэриктэйгэ оробуочай бөлөх тиийэн үлэлиир. Чэриктэй орто оскуолатыгар 50 миэстэлээх быстах кэмҥэ олорор пуун аһыллыбыта. Эвакопуун аһынан-үөлүнэн, уунан толору хааччыллан олорор.- яв//кс