Суукка иһигэр Ленскэй оройуонугар ойуур баһаарын умуруордулар

Өрөспүүбүлүкэ үрдүнэн 14 ойуур баһаарын умуруора сылдьаллар, олортон аҕыһа умайа турар, алтатын тарҕаммат гына төгүрүттүлэр. Бу туһунан СӨ Экология министиэристибэтин пресс-сулууспата иһитиннэрдэ. Сунтаар улууһугар – түөрт ойуур баһаара, Ньурба улууһугар – үс, Өлүөхүмэ уонна Нерюнгри оройуоннарыгар – иккилии, Дьааҥы, Алдан, Ленскэй оройуоннарыгар биирдии баһаар бэлиэтэнэр. Суукка иһигэр Ленскэй оройуонугар биир ойуур баһаарын умуруордулар. Хонтуруолланар сирдэргэ уопсайа 879 тыһыынча гааны уот ылан ааспыт. Баһаары умуруорууга 621 киһи үлэлиир, олортон ойуур кэтэбилин сулууспатын 81 үлэһитэ, ЫБММ 71 үлэһитэ, 266 парашютист уонна десантник баһаарынай, ойуур хаһаайыстыбатын үс үлэһитэ, олохтоох нэһилиэнньэттэн 190 киһи, 10 сири куортамнааччы, 42 техника.