Айсен Николаев: СӨ бырабыыталыстыбатын каадырдарыгар кэккэ уларыйыылар тахсыахтара

Саха сирин бырабыыталыстыбатыгар каадырдарга кэккэ уларыйыылар тахсыахтара диэн өрөспүүбүлүкэ салайааччытын эбээһинэһин толорооччу Айсен Николаев бүгүн, ыам ыйын 30 күнүгэр, суруналыыстары кытта көрсүһүүгэр иһитиннэрдэ. « Баһылык дьаһалтатыгар уонна бырабыыталыстыбаҕа каадыры уларытыы тахсар. Бырабыыталыстыба састааба биллэ уларыйыаҕа, тоҕо диэтэр администрация кэккэ салайааччыларын хантыраактарын болдьоҕо өрөспүүбүлүкэ салайааччытын боломуочуйатын кытта быһаччы сибээстээх. Онон регион салайааччытын уурайыытын кытта, бу дьон эмиэ уурайаллар», — диэн Айсен Николаев иһитиннэрдэ. –ай