Горнайга оскуола оҕолоро «Чыпчаал» кубогар мини-футболга күөн көрүстүлэр

NVK-ONLINE.RU – Горнайга оҕолор ортолоругар «Үлэ күүһэ» хаһыат редакцията көҕүлээһининэн мини-футбол курдук оонньууга ыытыллар «Чыпчаал» кубога быйыл сэттис төгүлүн ыытылынна. Быйылгы күрэхтэһиигэ Бэрдьигэстээхтэн үс, Мытаахтан, Атамайтан биирдии хаманда күөн көрүстүлэр.Төһө да хамаанда аҕыйах буоллар, ооньуулар бэрт тыҥааһыннаахтык бардылар. «Чыпчаал» кубога икки сылга биирдэ ыытыллара онно тирэх буолуон сөп. Баара-суоҕа ахсыс кылааска үөрэнэр Туйаара Алексеева, төһө да турнир соҕотох кыыһа буоллар, кыайыылаах тахсыбыт Сэмэн Данилов орто оскуолатын хамаандатын биир тутаах оонньооччута буолла. Кэлиҥҥи кэмҥэ Горнай улууһун футболистара республика таһымыгар кырата суох ситиһиилэммиттэрэ, бу «Чыпчаал» кубогын күрэхтэһиитэ кырата суох оруоллаах диэн бэлиэтиэххэ сөп. Онон оҕолор биир саамай күүтүүлээх күрэхтэһиилэрэ, инникитэ кэскилээҕэ саарбахтаммат.