Өрөспүүбүлүкэҕэ 13 ойуур баһаарын умуруордулар

Атырдьах ыйын 27 күнүнээҕи туругунан Саха сиригэр 13 ойуур баһаарын умуруордулар. Бу туһунан айылҕа харыстабылын министиэристибэтэ иһитиннэрэр. Билиҥҥи кэмҥэ Абыйга, Үөһээ Дьааҥыга уонна Орто Халымаҕа түөрт баһаары умуруораллар. Өрөспүүбүлүкэҕэ хонтуруолланар сиргэ ойуур баһаарын уопсай иэнэ – 412 га. Ыраах сытар уонна суола суох сиргэ 60 термотуочука баара бэлиэтэнэр. Ойуур баһаарын кытары охсуһар үлэҕэ 142 киһи уонна 13 тиэхиньикэ кытта сылдьар. «Өскөтүн ойуур баһаарын туоһута буолбут буоллаххытына, бу туһунан 8-4112-44-74-76 нүөмэринэн өрөспүүбүлүкэ диспетчерскэй сулууспатыгар, эбэтэр айылҕа харыстабылын министиэристибэтин быһа линиятыгар 8-800-100-94-00 нүөмэринэн биллэриэххитин сөп», – диэн биллэриигэ этиллэр.