«Якутия 24» ханаал Илиҥҥи экэнэмиичэскэй форум быһа эфиргэ көрдөрөр

Ил Дархан Айсен Николаев сарсын, балаҕан ыйын 5 күнүгэр, V Илиҥҥи экэнэмиичэскэй форум үс сиэксийэтигэр кыттыаҕа. Бу туһунан «Якутия 24» ханаал иһитиннэрэр. Айсен Николаев кыттар «Уһук Илин уонна Арктика сайдыытын төрүтэ: билиҥҥи туруга уонна сайдыытын тосхоло» сиэксийэтэ Дьокуускай бириэмэтинэн 8.30 чааска «Якутия 24» ханаалга көстүөҕэ. Ону таһынан «Цифровой судаарыстыба: бүттүүн цифровизация кэмигэр саҥа бизнес көрүҥнэрэ» сиэксийэҕэ дакылаата 10.30 чааска саҕаланыаҕа. Салгыы «Инникигэ хардыы: sine qua non цифровой трансформацияҕа быраап өттүнэн эксперименнэр» сиэксийэттэн быһа эфири Дьокуускай бириэмэтинэн 12.45 чааска көстүөҕэ.