«ЙАТАРКIВАХ ХIРЫЛАПШИТI АСИН ЙАНУ АСАТЫРКВА»

Май а 9 асахІат а 9 АйгІайра йахъыцІуа асквш 74 йадахІвуата Черкесск город Афырква р-Аллея йгІадгылтІ КЧР а-Хъада ТЕМРЕЗОВ Рашид, АуагІа Айззара (а-Парламент) а-Председатель ИВАНОВ Александр, а-Правительства а-Председатель УАЗ Аслан, СКФО-ла РФ а-Президент йгІащтийыгІв ДРАЛЬЩИКОВ Игорь, КъарчаЧеркес Республика ахьызла РФ а-Федерация а-Совет йалу САЛПАГАРОВ Ахмат, Черкесск город амэр ТАМБИ Руслан, КЧР а-Парламент адепутатква, а-Правительства анхагІвчва, ахабзахчара органква рынхагІвчва, ажвлара адкІылараква ргІащтийыгІвчва, Черкесск абзазагІвчви асасчви. Ауат кьазула «Йымчвуа Амца» чвахъабага, Черкесск город гІадырхвитхуата зхъа щтІазцІаз айсыгІвчва ъацІу айщчва нышвынтара, датшагьи Абашта айсра Ду йаладзыз йырчвахъабагата йаныргІалу зымгІва рпынгьи ахІврапшдзаква щтІарцІатІ. АйгІайра ахъазла зынцІра пшцІазцІаз хІхаквлагІвчва-фырква рыхьызла чІахІрала хын йхъахсылтІ.  Май а 9 гІамдзаскІва Къарча-Черкес йауата Абашта айсра Ду йалаз рсуратква зну астендква Черкесск «АдзыгІвбжьа ЙачІва» культура тшпсщара парк апны йдыргылтІ. Ауаъа йандыргІалыз астенд 68 суратта йырну 4700 йрайхІапІ.