Г1алг1ай хьехархой ловцаш хьаийдеш ба шоай профессиональни ц1ай дездеча дийнахьа

Россе массайолча регионашкара хьехархой а, наставникаш а ц1айца даькъал бийцар хьехархочун болх бехктокхаме а, лерх1ам бе безаш а болга белгалдоаккхаш. Цар толамаш эггара хьалха цар хьехаш болча дешархой толамаш долга белгалдир хьехархошта ловцаш доахаш. Иштта Дерригача дунен хьехархочун Денца хьехархой даькъал бийцар Г1Р Кулгалхочо Калиматов Махьмуд-1аьлас а. Наьсарерча муниципальни культуран Ц1аг1а йоккха сийлахь мероприяти д1аяхар хьехархой безбеш.