«Вежарашкар» трактор лочкъаяьй

ЙIайхача ларахШолжа районерча чурча гIулакхий урхален лехама отдела болхлой лочкъая трактор лехаш къахьегаш хилар. Цу дийнахь ЧамалгIе уллача «Вежарий» яхача паччахьалкхен болама доазувтIара малаш ба ца ховча зуламхош «Беларус -82-1» яха трактор дIайигаяр. ХIаьта полице викалаш автотранспорт лахара дIабихьача балхо дика толам балар. Трактор корайир Бамут е, Ассиновская яхача шин юрта юкъе. Шоаш кIалхарбаргбоацалга хайначул тIехьагIа зуламхой трактор Iокхасса дIабахабар. Таханарча дийнахь полице болхлой уж тахкара болх дIахьош ба. Чоалхане хьалМасса саг вала вез наькъаш тIа вай кхетаргдолаш. Вай сиха хилар бахьан долаш цхьаькха цхьа дезал бисар укх деношка наьна йIовхал йоацаш. Даби-юрта наькъа тIа 36 шу даьннача меттигара вахархочо «Лада-Приора» машен тIатеха йинай 50 шу даьнна ший юртхо. Сел чIоагIа яьча човнах кхалсаг цу метте еннай. Духхьала дог делх цу тайпара хоамаш хьахезача. Деррига дитача малагIча маьха тIа даьккхад дукхачара массанахь гIолла Iалам наха дувцаш дола Даьла къамаьл. Кхы чIоагIагIа ала хIам ца хилача мишта меттадоаладе деза цу даькъе латта хьал. Къа деций хIанз чуйоагIаргья шоай нана яхаш баьгIача дезала. Мел дукха наькъаштIара хьал довзийтара балхаш дIа мара ца дахьара кхерамзлен хьал тоалуш дац. Цкъаза дIадувцар хозаш вIалла саг вий хьогI аьнна хеталу. «Сердало» газета оагIонаш тIа дукха яьздаьд цу чоалханерча хьалах лаьца. Амма, пенах теха кхера санна да дувцаш латтар.Хетачох, укхаза ГIР паччахьо цу тайпара зуламаш деча наха деш дола таIазар чIоагIа дарца йола инициатива чахкагIа юкъе ца йолайой вай вахаре кхы де хIам дисадац.ХIаьта зуламхо малагIча бехктокхаме оттаваргва хьахьокхаргда дIахо дIахьоча тохкама балхаш.СоагIапчара каскадерИштта ийла яссар тхона аргIанара чурча гIулакхий министерства хоамаш дийшача. Хьалха хинна хатараш дицдеш да укх деношка вай наькъаш тIа хинна зуламаш. Киноча мара хулий хьогI аьнна хеталуш дола хIам боккъонца бакъдолаш хьаотт вай вахаре. ХIаьта хьанаьра коара арабувла уж нах. Цунах оаха шерагIа дувцаргда тхоай аргIанарча выпускашка.МогIалбика автоинспекци болхлош шоаш наькъаштIара кхерамзлен болх дIахьош соцаве лаьрхIар «шестерка» машена лелаеш вола вай мехка вахархо. Цун бахьан ший лард йолаш дар. Из ший наькъатIара ваьнна духхьала йоагIача машенашта тIавоагIаш вар. Соцаваь каьхаташ хьахьокха аьлача зуламхочо машен дIаэккхийтай, тIехь тоссавенна полице болхло машен чархаца текхавеш.Бакъда, гаьна валалехь ГИБДД болхлош соцавир зуламхо. Из хиннавар 53 шу даьнна СоагIапчара вахархо. Ший къаракх мелача каскадер волаш санна хийтачо тарадар этта сурт. Цун къахьегама полицес мах оттабергба следственни изоляторе чухь. Из бехктокахме озаргва. Цо лазавь полице болхло МогIалбика районерча дарбана урхале Iочувигав.Безамах лаьцаХала хIам да безам яхар. Геттара хала да из йоI езаенна из хьайоале таро йоцаш хьо висача. Цу наькъа тIа такха дезаш дола бехкаш дагадехача вIалла саг йоалае безам хилац. Кхы ваха моттиг ца хилач цхьаболча кагийча наха лоархI саг йодаяь шоай дезал хьакхолла.Иштта меттиг нийсъялар укх деношка МогIалбике. Ший йоI йодаяьй аьнна каьхат дахьаш даькътIара полице отделе енаяр укхазара яхархо. Кхалсаго заявлени хьачу ца ела а мегар ший коа юкъера йоI йодаяецаре.ХIьата хIанз йоI хьа а леха даьшта дIаенний. Ший кортаца ийла ца йирах зIамсаг безамах а ваьлар, иштта ахчах вала тарлу. ЧГIМ хоамаш тIа гIоллаТОАЧНАЬКЪАН З.