Г1Р Халкъа Гулламе даьшхар таханарча дийнахьа лоарх1аме дола хаттараш

Халкъа Гулламе шовзткъа ялхлаг1а арг1аг1а йоаца кхетаче д1ахьош, Г1Р Кулгалхочун декхараш кхоачашдеш волча Сластенин Владимира бовзийтар Г1Р Правителствос 2023 шера д1абихьача белха хоадам. Иштта айдир региональни законопроекташта юкъедахьа дезача хувцамашца а, керда т1аэца езача законопроекташца а дувзаденна хаттараш. Тайп-тайпарча организаций а, ведомствай а викалаш докладаш ешаш белгалдаьккхар х1ара законопроектах малаг1а болх д1абихьаб а д1абахьа лерх1 а.