Вĕсем артист мар, артистран та кая мар

СĂКĂТРИ культура çуртĕнче районти художество пултарулăх ушкăнĕсен творчество сезонĕ уçăлнă ятпа концерт иртнĕ. Курма килнисем Н. Толстов ертсе пыракан Сăкăт халăх хорне, "Илем" (ертỹçи В. Верликов), "Умарина" (Н. Стефейкин) халăх фольклор коллективĕсене, "Самана" ушкăна, "Мерчен" (В. Кабаев), "Ăраскал" ансамбльсене, Патăрьелĕнчи халăх театрне (Л. Леонтьева) тата ытти ушкăна çỹрекенсен юрри-ташшине пăхса савăннă. Кашни номере тăвăллăн алă çупса артистсене хавхалантарнă. Мероприятие хутшăнакансене "Централизациленĕ клуб системи" учрежденин директорĕ А. Петрова ăшшăн тав тунă тата ăнăçу суннă май дипломсем парса хавхалантарнă. Сцена ăстисен творчество каçалăкĕ уçăлчĕ. Çывăх вăхăтра районти ялсенче пурăнакансем патне çитсе хăйсен пултарулăхĕсемпе паллаштарма пуçлаççĕ.