Чăваш Ен Пуçлăхĕ Çырупа паллаштарĕ

Январĕн 28-мĕшĕнче Чăваш оперăпа балет театрĕнче Чăваш Республикин Пуçлăхĕ Михаил Игнатьев ЧР Патшалăх Канашне çуллен яракан Çырăвĕпе паллаштарать. Çырура регион стратеги çул-йĕрне, Правительство, Патшалăх Канашĕн, республикăри, вырăнти хăй тытăмлăх органĕсен, предприятисемпе организацисен кĕске тата нумай вăхăтлăха палăртнă ĕçсене пурнăçламалли тĕп çул-йĕре палăртни тĕп вырăн йышăнĕ. Йăлана кĕнĕ йĕркепе документа хатĕрленĕ чухне Чăваш Енре пурăнакансен, общество организацийĕсен тата граждан обществин ытти институчĕсен представителĕсен сĕнĕвĕсене шута илнĕ. Сумлă мероприятие Чăваш Ен Наци телекуравĕпе тата радиовĕпе, çавăн пекех сайтĕнче те чăн вăхăт тытăмĕнче трасляцилеççĕ. И. АЛЕКСАНДРОВ