БИРЛИК КУРУЛТАЙ ТӦЗӦӦР СУРАК ТУРГУЗАДЫС

«Јӱрӱмниҥ јолы» газет бӱгӱнги кӱннеҥ ала алтай јон ортодо алтай калыктыҥ бирлик Курултайын тӧзӧӧрин сананар, шӱӱр сурак тургузат. Республиканыҥ башчызы Александр Бердников бу јуукта ГТРК «Эл Алтайга» берген интервьюзында калыктыҥ јондык башкартузы аайынча «как дальше жить – алтайский народ сам разберется», «Курултай должен идти с низов», «власть не будет вмешиваться и не будет навязывать» деп айткан эди. Бу кижиниҥ айдынганынаҥ сап тудунып, бирлик јондык башкарту, јаҥы Курултай тӧзӧӧр амадула алтай јурттардыҥ эрчимдӱ улузына јайгыда јаан јуун ӧткӱрер суракты санангылазын, шӱӱгилезин деп баштанадыс. Онойдо ок бойлорын «Эл Башчылар» деп адангылап турган Бронтой Бедюров ло Мерген Теркин бир Эл Башчы тудар суракты канайда кӧргӱлеп тургандарын «Јӱрӱмниҥ јолы» газет ажыра ачык-јарык айдынгылазын деп кычырадыс. Бирлик јондык башкарту, јаҥы Курултай тӧзӧӧри аайынча кӧрӱм-турумыгарды, санаа-шӱӱлтегерди «Јӱрӱмниҥ јолы» газеттиҥ//vk.com/write?email= " target="_blank"> деген электрон почтазына аткарыгар. Санаа – јаҥыс, салым – јаҥыс, бис барда – Алтайыс та бар, Алтайыс барда – бис те бар!!!